Episode 243: "Bayad Utang"

Dahil sa hirap ng buhay, napilitan si Rachel at ang kanyang nanay na makipagsapalaran sa Maynila. Ngunit nang unti-unti na sana silang nakakaraos sa buhay ay bigla namang nawalan ng trabaho si Rachel dahil sa pandemya. Buti na lang at mabait ang landlord nilang si Mang Simon. Bilang pagsunod sa batas, hindi muna ito naningil ng upa sa kanyang mga tenants kaya gayon na lang ang pasasalamat nila. Pero nang magsimula ang General Community Quarantine, nagsimula na ring maningil ulit si Mang Simon ng renta. At dahil sapat lang sa kanilang pangkain ang kinikita ni Rachel, hindi pa rin siya makabayad ng mga utang niya sa renta. Kaya imbes na pera, ibang bagay na lang ang hiningi ni Mang Simon na ipambayad ni Rachel sa kanya. Pakinggan ang kwento ni Rachel sa Barangay Love Stories.